M.p.th.f.69 Scan 105 (52r)

VI. De credentibus Deo, ut praeesse crarent bonis operibus. VII. De questionibus et genelogis et legis con-
tentionibus. VIII. De vitantibus. VIIII. De heretico homine, (cum semel) correptus fuerit, evitando. X. De Tito et
Arthema et Thitico et Zena legisperito et Appollo et de apostolo doctrinam suis ad bona opera,
ne infructuosi fuerunt, et usus neccessarius pollicente. XI. De apostolo dilegentes eum per litteras
salutantte. Incipit argumentum. Titum commonefacit et instruit de constitu-
tione presbiteri et de spiritali conversatione
et ereticis vitantis, qui tradidionibus Iuda-
icis credunt, scripsit ei ab Athenis. Explicit
argumentum, incipit epistule.


Paulus servus Dei apostolus autem Iesu Christi secundum fidem electorum Dei et agnitionem veritatis quae secundum pietatem est
in spem vitae aeternae quam promisit qui non mentitur Deus ante tempora saecularia
manifestavit autem temporibus suis verbum suum in praedicatione quae credita est mihi secundum praeceptum salvatoris nostri Dei
Tito dilecto filio secundum communem fidem gratia et pax a Deo Patre et Christo Iesu salvatore nostro
huius rei gratia reliqui te Cretae ut ea quae desunt corrigas et constituas per civitates presbyteros sicut ego tibi disposui
si quis sine crimine est unius uxoris vir filios habens fideles non in accusatione luxuriae aut non subditos
oportet enim episcopum sine crimine esse sicut Dei dispensatorem non superbum non iracundum non vinolentum non percussorem non turpilucri cupidum
sed hospitalem benignum sobrium iustum sanctum continentem
amplectentem eum qui secundum doctrinam est fidelem sermonem ut potens sit et exhortari in doctrina sana et eos qui contradicunt arguere
sunt enim multi