Da nůn die Sachssenn Hertzog wÿdekint zů Engern zů yrem Konig
erwelt hetten. wart der Sechssisch krieg wider vernawet vnd angefangen
Welcher krieg So gros was. das kayser karll der Gros nÿe keÿn schwe=
rern vnnd grawsamern krieg gefůrt. aůch nÿe in keÿnem kryeg merr
Folcks verlornn hatt. Vnd dÿweil kaÿserr karll Sÿbůrg vnd hersprůck
in Westůalnn gewan. zcog konig Wÿdekint in Ostůaln die Fůrstenn
zůůersammeln. beůestigůng aůffzůrichtenn. Vnd mit den vmbligen=
den konÿgen ein Bůndt zůmachen. Wann er entlich des
Grossen kaÿser karls gewalt allein nicht vermocht. widerstant zůer=
zaigenn. So Forchtenn sich die Sechssische Fůrstenn vor der grossenn
gewalt der Frantzosen vnnd Franckenn.