entschůldigůng Welch gericht vonn kaÿser Karls zeitenn
bisher auff disen tag in Westualen verbliben ist. Da nůn die Sachs=
senn sahen das die teter vnd abfaller des hailigen glawbens also ernstlich
vnnd haimlichen wůrden vmbgebracht vnd abgericht. das erschreckt
sie also das sie můsten glawben halten. Vnd lerneten damit mer aůs
forcht. dann aůs lieb entlich tůgentlich vnd nach Ordnúng des hailigen
Cristlichen glawbens zůlebenn.

Mann findt in etlichen schrifftenn das haimlich gericht in Westphaln
seÿ also aůffkůmmen. Als die Sachssenn etlich mal wie oben angetzaigt
ist. vmbgefallen warn. vnd sich kaÿser Karrl nicht weÿter wůst darein
zůschicken. hab er zů dem Babst Leo gein Rom sein botschafft abgefertigt.
Derhalben hab der Babst derselbigen kaiserlichen botschafft. kaÿn můnt=
lich antwort daraůff geben. Sůndern die kaÿserlich botschafft mit ÿm