Inn ain gertlen gefůrt. vnd das vnkrawt aůsgerissen. mit der wůrtzeln
aůff ein galgen von klaÿnen růtlen gemacht. gelegt. Damit hab er dess
kaÿsers botschafft vonn ÿm lassen abschaiden. Daraůff kaÿser karll
hab als Bebstlichen rats gnůgsam. wiewol verdeckte anzaigůng. ver=
stendigt das haimlich gericht verordent. Was mann
aber beÿ vnsern zeiten von disem haimlichen gericht in Westphaln halten
sal. hat ain itzlich vernůfftig mensch leichtlich zůermessen. Angesehen
das es so haimlich damit zůgeet. vnd selden an tag kůmpt wie man
damit vmbgee. das es villeicht einer mortgrůben enlicher mocht geacht
werden. dann ainem gericht. Aůch darůmb das itzt die vrsach derhalben
benant gericht vom kaÿser karrl aufgesatzt hingelegt. Vnd Got
seÿ lob nicht mer in disen Landenn erscheÿnt.

Als nůn kaÿser Karrll konig Wÿdekints gemůt. hertz. vnd siten garr
eigentlich vnd grůntlich erfarn hett. vnd in seinem Cristlichen fůrne=