men bestendig gefůnden. Vnnd itzt in Franckraich wider zcihen wolt.
befalh er ÿm das Hertzogthůmb vnd Regiment vber gantz Sachssenn
Doch an nachtail der Bistůmb in den selben Landen. Welchen kaÿser
Karll zů vnterhaltůng des hailigen glaůbens gantz Sachssen vnd alle
herren vnterworffenn hett. vnd wie dem. So behielt doch kaÿser karll
beÿ ÿm zupfandt die Edlen Sachssen. Damit nit die Sachssen důrch ÿre
freihait bewegt. mochten důrch bemůhůng aůff den aÿgen nůtz dem
gemainen nůtz schaden zůwenden. vnd mit der zeit die gaistlickait
vertreiben. vnd wider vom Cristlichen glawben fallen. Derhalben aůch
kaÿser karrl etlich vil taůsent Sachssen mitsambt ÿrn weÿbern vnd
kindern in Franckraich fůrht. vnd soůil aůch da gegen Francken vnnd
Frantzosen in Sachssen schicket. die Sachssen dester fůglicher vnd besser
Im hailigen glawben zůerhalden. Vnd ist gescheen nach
Cristi gebůrt Achthůndert Vnnd Im Dritten Jhar.

Diser hochloblich konig vnnd Groshertzog zů Sachssen der Gros
Wÿdekint hat sein leben in grosser hailickait verendt. aůff den