Nach abgang seÿner mütterr ist diser herr mit allem vleÿs vonn
Hertzog Lecho zů Behem seÿnem vetter ertzogen. vnd bewart worden.
das er nicht gleich seinem Vater dem grossenn konig Wÿdekint den
hailigenn Cristlichen glawben an nem. Darůmb
wart diser Fůrst ein so grawsamer vnnd grÿmmiger verfolger des
Cristlichenn glawbens. das er aůs befelh seÿnes benanten vetternn
hertzogen Lecho den Důringen vil einfals thet, Vnd mit
solcher vntůgent also vmb seÿn vettern verdÿnt. das er ÿn zů
ainem erbenn vnd herren seÿnes můtterlichenn erbs machet. vnd
ÿm die gegent zwischenn der Sal vnd Elster zůůerwalten eingab.