vonn grůndt auff gebawet. vnnd mit gůten graben vnd schůtten
Vnd sůst aůfsbest beůestet. vnd aus kintlicher lieb gegen seinem
Vater dem Grossenn Wÿdekint vnd seinem wapen Rosberg.
vom springenden Ros genant.

Weÿl nůn kaÿser karrls des Grossen Sůn der Jůnger karrll
in seÿnes Vater fůsstapffenn bleÿbend. fůret soůil ÿm můglich
wer den hailigen Cristlichen glawben Gote zů lob mern. zcog er
fůr disen Fůrsten. vnd sein Schlos Rosberg Vnd nachdem
er ain zeit starck daůor vergebens gelegen was. Vnd merckt das
ÿm diser herr in kain weg weichenn wolt. vnd das er ÿm nichts
getrawet an ÿm mit gewalt zůerlangen. lies er ain tail Folcks.
vor Rosberg. Vnd zcog mit dem andern hawffen ab. vnd erob=
bert die gegent zwischenn der Mild. Elb. vnd Sal gelegenn.