Diser herr ist ser ains freÿen gemůts gewest. vnnd nachdem er ein aigenn
zcoll in seiner herschafft vermeint zůmachen. vnd derhalbenn alle
andere strassen vnd weg vmb sich vergrůb. wart er in ainem anlawff
von dem gemainen bůfell [lies: bovel, Pöbel] mit etlichen seinen dinern aůff dem feldt
erschlagenn. Welch gegent noch hewtiges
tags Im Magdebůrger Bistůmb wirt der Fridrichs weg genant.
Aůs welchem totslag vil vbels erwůchs vnd Derhalbenn die Vngarn
zům Erstenn in Sachssen vnd Důringen gefallenn seÿnt.