Das kain mensch von den gepirgern vnd nachparn sein gegenwertic=
kait wůst Nůn leÿd ein Schlos zwischenn Feltkirchen vnd
Progentz aůff ainem gar hohenn berg. vnd eÿnem ser lůstigenn
Wasser Daraůff Sas die zeit Graff Otto von Jagberg
also von den nachbarn mer vonn dem Schlos. dann nach dem ge=
schlecht genant. sůst der gebůrt ain Graff von der Fanen von Wer=
denberg. oder von Montfort. Welche dieselbenn gegent vil
zeit Innen gehabt habenn. Desselbenn Graff Otto Jheger rent
ain mal mit sambt seinem gesellen. aůff ainer Ihaget. ainem
grossen bern nach. vnnd kam In das tal da Sant Gerolt Got dienet.
Vnd nachdem der ber sah das er allenthalben von Jhegern vnd hůnden
also vmbringt war. das er Irer gewalt in kain weg kůnt entwerden.
floh er in Sannt Gerolts schos die zeit gleich in benanter eichen an seÿnem
gebet sitzendt. gegen dem sich der ber gleich als ain gůtig schefflen ertzaigt
Derhalben Sant Gerolt die hůnt mit seÿnem stab zů růck weiset. vnd
still zůsein vnd aůffhorn zůschreÿen gebot. Als nůn die Jheger zů Sant Gerolts
eichen kamen vnd sein gewar worden. erschracken sie ser. fieln aůff ÿr
knÿe vor ÿn vnd batenn gnad.

Also zcogenn die Jeger wider heÿm. vnnd zcaigten Irem herren Graůen