Als nün die Pawrnn in hessen die dorffer verlassen hetten. vnnd aüss
forcht vorden Sachssen in eÿn kirchenn daselbst geflogen warn. verbranten
die Sachssen das dorff. vnd legten sich vor die kirchen darJnnen die hessen
warn. Welche Sannt Bonifaciůs gebawet. vnnd selbst
geweÿhet hett. vnnd da die Sachssen sich ein weil vergebens gemúhet hetten.
befall konig Wÿdekint die kirchen anzůzcůnden Daraůff ain
gros wůnderzaichenn geschah. Dann ÿr vil wůrdenn von dem hellischen
fewr verbrant. Etlich erstartenn als ain stam. Mann
findt aůch das etlich Sachssen sein an benanter kirchen tot gefůnden worden
knÿend vnd gleich der gestalt die hawffen holtz an die kirchen geworffenn
anzůsteckenn. vnd die kirchenn abzůbrennen. Aber Got beschůtzt die
seÿnen Derhalben desselbenn mall offentlich warhafft erscheÿn
Sant Bonifacy red. Dann da er dieselb kirchenn bawet. Weÿssaget er
das sie vom fewr solt vnůersert bleÿbenn. Vnd die vonn gotlichem