Otto vom Jhagberg an. wie sie ain hailigen einsidel in vil benantem tal
aůff der Ihaget gefúnden hetten. Dadůrch Graff Otto in
sůnderlich andacht bewegt. mitsambt seÿner Frawenn Benedicta
der Grefÿn zů Sant Gerolt rÿtenn. vnd als sie fůr ÿn kůmmen warn.
fieln sie vonn Irn pferdenn ab. vnd befaln sich bede in Sant Gerolts
andechtig gebet vnd vorbit. Aůch begabt der graff Sant Gerolt gar
schier mit dem gantzen tal vnd walt. Aůch mit ainem mercklichen
stůck desselbenn Landts.

Als Sannt Gerolt mit benanten gůtern von gedachtem Graůen Otto
vom Jachberg mildiglich begabt. hůb er an das Closterlen so man noch=