Kůrtz vor seinem tot hat sich der hailig Vater Sannt Gerolt in
vnnser lieben frawenn der allergebenedeÿesten Jůnckfraw vnnd
Gotsgebererÿn kirchen zů den einsideln gefůgt. vnd daselbst ein brocken
seins Lands vnser liebenn Frawen aůff den altar geopffert. Aůch sein
Closterlein. sein zwen Sůn mit sambt ÿren gůtern desselben Closter
Abt obirkaiten ewiglich zů aigenn vntergegeben. Vnd
nachdem Sannt Gerolt kůrtz darnach gestorbenn ist. von den
seinen mitten Im khor seiner kirchenn begraben worden. Vonn
welchem nit fern darnach sein Sůn Hainrich ist aůch begraben
worden. Aber sein Sůn Chamo ist in Sant Antonj
Capellen zů Frÿsenn begrabenn.