Dieser Herr ist beÿ ainem Romischen kaÿser seiner grossen vnnd
manchfeltigen tůgent willen in so grossenn gnaden gewest. das ÿn
der Romisch kaÿser zů seinem obirsten Felthawptman vnnd zům
Obirsten Regenten seines hofs machet. Vnd das an ÿn nichts am
gantzenn kaÿserlichen hoff ist beschlossenn worden. vnd nachdem der
kaÿser ain mal etlich hailthůmb so er beÿ ÿm am hals pflegt zůtragen
daheÿm Inn seinem bett vergessen hett. Schicket er diesen Barolt
darnach. als dem er am meisten vertrawet. Da nůn Barolt fůr das
kaiserlich bett kam. befandt er die kaÿserin sambt ainem Edelman
beÿ einander Im kaiserlichen bett. Welcher grawsamen vntat=
halben Barolt die Romische kaÿserin sambt dem eebrecher erstach