Da nůn die Fůrstenn des hailigenn Romischen Raichs mercktenn
das noch vil vnfúgs vnnd vbels erwachssen wůrd. Wenn Graff
Barolt nicht aůs disenn Landen kem. erwarben sie soůil beÿ dem
Romischen kaÿser. das er ÿm wiewol ser vngern. erlawbt von ÿm
zůziehenn. Vnd gab ÿm doch ain wolgerůstenn zewg mit. neben
gnediger erbietůng ÿn wider mit geldt noch annder gnad vnnd
hůlff in keÿnem Lanndt zůlassenn.