Nachdem ÿm nůn diser Graff fůrgenůmmen hett zů Sannt Jacoff
zů Compostell zůraÿsenn. vnd gen Cecellis in ein Stat in Sopheÿ kům=
men war. wůrd er von den Rewbern die aůff dem hawptschlos Cůlliům
meniglich beschedigtenn gewarnet. vnd erlich begabt vnd gehaltenn.
Als er nůn sich wider aůff den weg erhůb. wart er von den Rawbern.
benants schloss angegriffenn. Aber zů ÿrem grossenn vnglůck.
Dann er weret sich nicht allein trostlich vnd ritterlich, Sůndern er
vberwandt vnd erlegt sie. vnd erobbert yr schloss Cůlliům mit gewalt.