Aůff vleissig bit benant konigs vonn Arelat hat diser herr Barolt
die Lůmbardeÿer die dem Raich zů Arelat andere gůter. vnnd die
Marck Sůse Grafschafft Morian entwert hetten. also vberwůn=
den vnnd vertilgt. Nachdem sich die Lůmbardeÿer in be=
nanten Grafschafftenn in bergen verbargen. vnd die lewt vnnd
Lanndt daraůs beschedigten. bawet er ain Schlos Gallart genant.
vnnd beschlos die berge allenthalbenn also das die Lůmbardeÿer
in kain weg darůon kůmmen kůnten. Also erschlůg er die Lům=
bardeÿer alle. vnd bracht die entwerte Marck vnd Grafschafft
wider an die kron zů Arelat.