verwilligůng zů ÿrem konig erwelten. vnd Derhalben zů ÿm zcogen
aůffs vleissigst bittendt das Raich anzůnemen. Aber nachdem er
wůst das der konig ein vnmůndigen Sůn hett gelassen. wolt er es
in kaÿn weg annemen. Sůndern erbot sich gleicher trew als er
dem Vater gedient hett. dem Sůn aůch zůdienen. Vnnd ÿn
zůholen. vnnd seinem Raich vnnd lewten zůhandenn stellen.

Also zcog diser herr zů der konigÿnn zů Arragon in Hispanien
des verstorbenn konigs zů Arelat schwester. holet den Jůngen konig
Vnd bracht ÿn den Fůrstenn zů Arelat zů hannden. Vnd
Lies ÿn kronen.