Dieses Fůrsten Vater vnnd můtter kůnten ain Langezeit kain erben
erlangen. des sie sich hoch betrůbten. Vnd entlich derhalben bede
gelobten zú Sannt Jacoff dem fernern in Hispanien. Důrch
welches hailigen Aposteln vorbit sie die gnad von Got erwarben.
das die hertzogÿnn schwanger wart. Vnd nachdem
sie miteÿnander aůff den weg Inn Lůmbardeÿ kůmmen warn.
gelag die frům Fůrstÿn nicht fernn von der Stat Alexandria.
mit diesem Fůrstenn Almar gar ainem schonenn kindt.