Da nůn die Fůrstÿnn aůs den wochenn kůmmen was. befalh sie.
sampt ÿrem herren den Jůngen Sůn der ammen. vnd ordenten ÿm
vil lewt. ÿn bis aůff ir widerkůnfft in gůter wartůng zůhaben.
Vnnd zcogen miteÿnander zů Sannt Jacoff ÿr walfart aůszůrichtn
wie sie aůch teten. Da sie nůn ÿr hailig walfart ver=
bracht hettenn. starben sie bede aůff dem widerweg. Derhalben
diser Fůrst vmb sein Hertzogthůmb In Sachssenn kam.