Etlich schreiben diser herr seÿ wol ertzogen. vnd so gelert worden. Das
ym darnach der Romisch kaÿser. Otto. des namen der ander hab sein
tochter Alasia. von etlichenn Alexia genant schreiben vnd lesenn
zúvnnterweisen beůolhen. Aber Antho=
niůs Sabellicůs meÿnet es seÿ also zůgangenn dieser Fůrst
seÿ ser Jůng benantem Romischen kaÿser seÿner Fůrstlichenn
schone vnd schicklickaithalbenn geantwort worden. Vnd er hab
ein so gnedigen willen zů ÿm gewůnnen. das er ÿn hab zůsambt
Vnd neben seÿner tochter Alasia lassen erziehen vnd Lernenn.