Als nůn kaÿser karll nach vberwindůng konigs Desiderÿ in Lůmbardeÿ
vnd vertreibung seines Sůns wider aůs Jtalien kam. hetten die Sachssen
ein rew ÿrer verbrachten vbeltat. Wann sie forchten sich vor kaÿserr
karls glůck vnnd Sÿghafftickaÿt. vnd giengen zů Rat was zůthůn stůnd.
Dann etliche Sechsische Fůrstenn warn gemaÿnt vmb gnad zůbitenn.
Etlich das glůck weÿter zůůersůchenn vnd sich vor gewalt mit gewalt
zůerwern. Vnd nachdem sie in Vnaÿnickait von ainanderr schÿdenn.
besorgt sich konig Wÿdekint. vnd zcog mit grossem zcorn in Ostualnn
Da er mit bitt vnnd draw vil fůrsten widerspenig machet. Als nůn
kaÿser karll erfůr das die Sachssen kůrtz daůor vil Cristlichs blůts vber=
grymmÿglich vergossenn hetten. Vnd daneben der Sachssen vntrew
vnterricht wart. schicket er wider sie Viehr scharn. von den aller streit=
barsten mannen. wider zůerobbern was die Francken etwan gewůnnen.
Vnd darnach wider verlorn hetten. mit befelh der Sachssen aůch soůil