zůerslaen So sie kůnten. Vnd mit bedechttigen streiten konig Wÿdekints
listickait zůvberwinden. Darůmb aůch darnach kaÿser karrll
fůrnam mit seÿnem gantzen heer důrch hessen in das Lanndt zů
Sachssenn zůzciehen konig wydekints gewalt zůerstrawen vnd ÿn dester
bas zůvberwinden. Aber konig wÿdekindt sah sich weislich fůr. vnnd
tailt sein heer in zwen hawffen. Der aÿnen er seÿnem Vetternn Hertzog
Albion konig Edilharts vonn Sachssen Sůn befalh die gegent so er
gewůnnen hett mit demselbigen Folck zůerhalten. Vnd verbot ÿm mit
den feÿnden zůstreiten. vnd hies yn sich allein beweisen. Den grostenn
hawffenn behielt konÿg Wÿdekint beÿ Im.

Vonn den obgenanten Vihr scharnn der Franntzosen strÿten dreÿ