Da diser herr erfarnn het. das sein brüder Marggraff Wÿlhelm
Longaspata gestorbenn was. zcog er mit vil schiffenn in das hailig
Lanndt seinem vettern dem Jůngen konig Baldtwin wider den
haidnischen Soldan zůhelffenn. Aber als er hineÿn kam. warr
konig Baldtwin berait gestorbenn. Vnnd obenbenante
Sÿbilla het den andern man genůmmen herrn Wittich von lůsignan.