Die Marggraůenn von Monferrat seint aůch alleweg getrew.
verfechter des hailigenn Cristlichen glawbens. vnnd milde merer des
gotlichenn dinsts gewesenn. Vnd habenn vil Closterr
gebawet. gestifft. vnnd mit Steten. Casteln. vnd andern grossen
gůtern reichlich versehen.

Nemlich haben sie gebawet vnd gestifft.

Die Apteÿ beÿ Secůtzt. Sant Lorentzen Closter in Franckraich Im delphinat.
Sant Vrsen Closterr. Sant Peters Closter beÿ Epored. Sant Michels
Closter beÿ Aůilian. Sant Benignůs closter nit fern von Tawrin.
Sant Janůars Closterr. Sant Victors closter. Vnser lieben Frawen closter
Von Loced. Vnd vnser lieben Frawen Closter beÿ Vesůlan.