geschreÿ. vnnd redt itzt disenn. itzt ain andernn an. Vnd saget wie das
nůn die zeit kůmmen were. daran die Sachssenn sich an den Francken
vnd Frantzosenn rechen soltenn. Vnd allen erlidenn schaden widerbringen
Jn dem kamen die Frantzosen vnnd Francken důrch solchen schnellen
einfall der Sachssenn in die flůcht.

Alsobaldt kaÿser karrll socher [lies: solcher] schlacht gewar wart. eÿlet er zů den seÿnen
mit seÿnen hawffen. vnd strit Lang mit den Sachssen. Vnd nachdem der
flůchtigen vil widerkerten hett kaÿser karll gůte hoffnůng. das feldt wider
die Sachssen zůbehalten. Wann die seÿnen bestanden wern. Da er aberr
die seynen wider mit bit. nach mit draw. noch aůch mit seiner personlichen
gegenwertickait. kunt bewegen. in ordnůng zůkůmmen. (. Wann der haůpt=
lewth redt vnd anschreÿen wart nicht gehort .) eÿlet er mit ainem taÿll