Darnach erlangt diser Graff důrch vleissig vorbit seiner Freůndtschafft
wider des Romischenn kaÿsers. Otto des dritten gnad. Welcher ÿm
aůch so gnedig wart. das er ÿn nach abgang Graůen Bion vonn
Mersbůrg. mit derselbenn Grafschafft. Aůch mit der gegent zwischen
den wassern Sala. Wipper. vnd Willerbech. důrch vorbit
des ErtzBischoffs Gÿselers vonn Magdebůrg belehent. Aůch
erlangt er Zcorbick. Wÿttin. Bůdzes. Wÿdkintberg. Vnd alles
was seiner vorfordern gewest war. Derhalben er ein gar
reicher herr ist worden.