Weÿl nůn diser Graff Graůenn Wernher vonn Walbeck vill
vndinsts ertzaigt hett. nam ÿm Graff Wernherr fůr solchs zůrechen
Derhalben als er ain mal erfarnn hett. das diser Graff Dedo vonn
Tangermůndt gegen Magdebůrg rÿt. nam er Graůen Fridrich von
Walbelck seinen vettern mit zweintzig wolgerůstenn pferden mit sich
vnnd wartet aůff Graůenn Dedo. aůff ainem berg. beÿ dem dorff
Mesa gelegenn. Da er ÿn aůch vberfiell Vnd nachdem von Graff
Dedo mer dann Viertzick man der seÿnen geflogen warn. wart er entlich
nach gar Ritterlicher were vnnd rettůng zůsambt seinem Ritter Eÿlhart
vonn Graůenn Wernherr entleibt vnnd erstochenn.