dem Speckshart zů Jhagen. Vnnd es begab sich aůff ein tag das konig
Wÿdekint vermeint kaÿser karrll zůgreiffenn. vnd rÿt aůs dem halt
ÿn zů vbereÿln. Aber kaÿser karrll důrfft der wenickeit seÿnes
Folcks nicht vertrawen. Derhalben flog er mit sambt den seinen
an den Meÿn. Da sie aůch důrch gotlich mild vnnd geschicht ain hirschen
weÿl sie kaÿser karll trostett. důrch die fůrt. mitten důrch sie geen sahen
Welchem sie aůch nachfolgtenn.

So bald kaÿser karlls Folck vberkůmmen was. wart konig Wÿdekint
mit grossem zcorn an dem gestat. bewegt. Darůmb das er sich nicht
kůnt rechenn. vnd das er wiewol er den fůrt an allen enden sůcht.
nicht kůnt findenn. Aůch gar kein hoffnůng hett vberzůkůmmen.
Aber nichts desterrweniger legt er sich zů feldt. sein heer zůerqwickenn.