Vnnd sagt. Wiewol mein willen itzt důrch der Francken betrieglickaÿt
verhindert ist. So erfraw ich mich doch des hochlich. das alle nachkům=
men in ewickeÿt sagen vnd bekennen werden. das die Sachssenn an
disem end genÿstet. vnnd das sie wider ain so mechtigenn konig karrll
bisher vnnd so fern gesÿgt habenn. Vnd richtet da ain schloss aůff.
vnd verhert das gantz Lanndt. vnd zcog mit seinem sÿghafftigen heerr
wider Inn Sachssenn.

Mann fÿndt aůch das konig Wydekint Im zcornn hab die zweÿ
Lanndt Důringen vnnd Hessen mit grosser mannschlacht ann
solchem widerzcog verhert vnnd verderbt.