Darnach erhůb sich in kaÿser karls heer mancherleÿ. red. wenůng. vnnd ge=
růcht. vonn nechstbescheener niderlag vrsachenn. Aber kaÿser Karll
gab es den sůnden schůldt. Darůmb Sagt kaÿser karls knecht eÿner
zů ÿm. O mein tůgentreichsterr konig dise stat wirt ein ewig aůfrůckůng
vnnd vnere sein vnserm geschlecht. vnd vnser Nacion solcher schentlichen
flůchthalbenn. Vnnd das es Franckfůrt wirt genant werden. Daraůff
kaÿser karrll also antwort. Aůs gotlicher Ordnůng. vnd vonn wegenn
vnser sůndt. haben wir dise schlacht erlÿdenn. Damit wir vnns Inn
kaÿn hoffart vberhůbenn. Sůndernn das wir důrch solch niderlag
vnnd schlacht gedemůtigt. vnnser haÿl vnnd selickait allein Inn
Got setztenn. Aůch ist mir lieber. mann sag. Hie ist karll geflogen.
Dann hie ist karll erschlagen wordenn. Derhalbenn