Da die Franckenn vnd Frantzosen erstbenante schlacht verlornn hettenn.
wůrdenn sie so ser erschreckt. das kaÿser karrll Inwendig sÿben Iarn.
keyn andernn streÿt oder heerfart wider die Sachssenn kůnt aůffbringen.
Aber wie dem dennoch gedacht er nichts desterweniger vber die Sachssen
zůzciehenn. Vnnd Inn keÿnen weg rwe zůgebenn. biss sie gar bekert
oder aber vertÿlgt wůrdenn. Derhalbenn aůch kaÿserr
karll nach Cristi gebůrt Sÿbenhůndert vnd Im FůnffvndSÿbentzigsten
Jhar mit grosser macht In Sachssenn kam. Vnd die zweÿ
Schlosserr Sÿbůrg vnnd hersprůck widerbaweth.