Jnn mitler zeit zcog konigk Wÿdekints brůder Hertzog Braůn vber die
Frantzosische die an dem wasser gebliebenn warnn. vnd streit mit ÿn.
beÿ dem dorff Lúbecko genant Im Mindischenn Bistůmb gelegenn.
wart aber vberwůndenn. vnd kam kaůmet vngefangen daůonn.
Doch erslůgenn die Sachssenn ÿrerr feÿndt vil důrch listickait. hertzogen
Braůns. Dann wenn die Frantzosische aůff der fůttrůng warnn.
mischtenn sich die Sachssenn vnter sie. Vnnd zcogen mit ÿnn
Inn ÿr Wagenbůrg. Vnnd in der nacht erstachenn sie derr
Franntzosische vil weÿll sie schlieffenn.