Diser Graff lies sich důrch zůsag vnnd vertrostůng grosser gab.
verfůrn. das er vonn den Sachssenn zů dem bennischen Romischen
kaÿser Hainrich dem Vierten fiell. Derhalbenn er darnach
aůff dem tag zů Bergstet von den Sachssenn vnd Důringen beclagt
wart. Vnnd Wiewol ÿm sein vntat laÿd was. Dennoch
Weÿl er keÿn bůrgenn setzenn oder pfandt geben wolt. wart
er darnach in ainer aůffrůr vonn dem gemeÿnen Folck erschlagen.