Diser Graff ist den Sachssen alweg getrew gewest, vnnd hat ÿn
wider den Romischenn kaÿser Hainrich den Vierten helffen kriegen
vnnd streiten Demnach als eÿnmal die Sachssenn
in eÿnem streÿt Im Lanndt zů Francken in die flůcht kamen. vnnd
diser Graff sie gernn wider in die Ordnůng gebrachtt het. Wart
er vonn ainem Edeln Fůrsten In Franckenn genant Eberhart
mit dem Part gefangenn. Vnd dem Romischenn kayserr
Hainrich vbergeschickt.