Als nůn benanter Frenckisch Herr Eberhart diesem gefangenn
Graůenn von ferns nachzcog. darob zů sein das er nicht entwůrdt
wart er von den Sachssenn vmbringt. Vnnd als er nach Ritterlicher
rettůng sich nicht lenger kůnt weren. wart er von den Sachssen erslagen.
Darůmb die Franckenn des gefangenn Graůen vergassen. ÿn
ledig liessenn. vnd zů ÿrem herren eÿlten ÿm aůs seiner not zůhelffen.
Derhalben diser Graff seins hails vnd vortails aůch vnůorgessen.
Sich dorůon hůb. Vnnd zům Pfaltz Graff vonn Sachssen fůgt.
Vnd ÿm aůch das feldt behilt vnd den Sÿg gewan. Er
hat aůch keÿn frawen genůmmen vnd ist an leibserben gestorbenn.