Diser Graf Dedo ist gewest ain ser gestrenger herr. vnnd rechet seines
Vaters tot gar mennlich Dadůrch er Inn schwer vngnad.
der Romischenn kaÿserlichen Maiestat fiell. Derhalben sich aůch ain newer
krieg zwischenn dem Romischen kayser vnd den Sachssenn erhůb. Vnnd
Graff Dedo zům ersten vnfůg wider den kaÿser fůrnam mit gestatůng
der Fůrstenn Im Lanndt zů Sachssenn. Aber als ÿnn die
Sechsische Fůrstenn hineÿn hetten gebracht. Verliessen sie ÿn vnd
teten ÿm kaÿn hůlff. Also verzcog ÿn der kaÿser. vnd gewan
ÿm ab sein schlosser Beichlingenn vnd Scheÿdingen. Als er sich
aber entlich mitsambt etlichen andernn dem Romischenn kaÿser ergeben.