benůgen vnnd settigen. Sundern bekriegt aůch die Friesenn die zceit
Cristliche lewt. verbrant die kirchenn. vnd erschlůg die Priesterschafft
Aůch verhert er das ganntz Frieslandt. verJaget die Cristen. Vnd be=
zwang alles Folck bis an das wasserr Flehan. den Abgottern zůopffern.
Vnnd verderbt nach berichtůng Sechsischer vnd Frantzosischer Cronicken
fůrtan alle dieselbenn gegent. in die weÿt vnnd lenge. bis an den Reÿn.
so vnmenschlicher grawsamkait das er alles So er ankam verbrant vnd
erschlůg. Er totet aůch die menschenn an alle vnterscheÿd des alters vnd
geschlechts. so wůtterlich das ÿderman eÿgentlich mercket das er kůmmen
wer sich vnnd die seÿnenn zůrechenn.

Als nůn kaÿserr karrll der Sachssenn fůrnemen merckt, versammelt
er ain gros heer zů Worms. vnnd zcog in Sachssenn mit grosserr