macht. vnnd als er an den Lippesbrúnnen. Oder als etlich Cronicka
habenn. gein Lippesbrůckenn kummen war. fandt er ain vbergrosse
menig vnd anzall der vnglawbigenn Sachssenn. Die alle gnad begerten
vnnd die hailige tawff Derhalben der gůtig kaÿser karrll sie
zů gnaden nam. vnnd lies sie tawffen. vnd darnach aůch wider heÿm=
zciehen. vnd ist gescheenn nach Cristi gebůrt Sÿbenhůndert vnnd Im
Sechsvnndsÿbentzigstenn Jar Als etlich Cronicka habenn.

Kaÿser karrll hat aůch die zeit das Schloss Vechlerr aůff der Lippen
gelegenn gebawet. die Sachssen desterr bas in gehorsam zůbehalten.