Nachdem die zwů Marck vnnd Herrschafft Meÿssenn vnd Lawsatz aůff
ein zeit vonn dem Romischenn kaÿser Otto dem grossen sein
aůffkůmmen vnd verlÿhen. Aůch bede an der hertzogen zů
Sachssen. Lanndtgraůen in Důringen. vnd Marggraůen zů Meÿssen.
vorfordern kůmmen. Jst nicht vnbeqůem die
Ersten Fůrsten vnnd besitzer beder Marck zů Meÿssenn vnnd Lawsatz.
mit namen anzůzaigenn. Damit die antzaigůng beder benanten
Marck aůs vorgeender ÿrer ankůnfft můgen dester bas verstandenn
vnd begriffen werden.

Nach antzaigůng Wanconis in seÿner Cronicka ist die Marck
zů Lawsatz beÿ den zeitenn des Romischenn kaÿsers Otto
des grossen zůsambt der Marck zů Meÿssen auffkůmmen.