Herr Gero ErtzBischoff zů Colnn wart nach abgang des ErtzBischofs
Volmer zů Coln vonn den priestern vnd allem Folck erwelet. Aber
nichtsdesterweniger wolt ÿn der Romisch kaÿser zů keÿnem Bischoff
habenn. Derhalben er nachdem ÿm der Engell Gottes mit ainem
blossen messer drawet nicht sicher fůrzůgeen er erfullet dann die
wal Im ErtzBischoff Gero. lies er ab vonn seinem fůrnemen.
Vnnd befalh hernn Gero das ErtzBisthůmb zů Colnn.