tewfell. vnnd sagt ir. wie das diser ErtzBischoff wůrd desselben Jhars in ain so
schwere kranckhait fallenn. das er dreÿ tag wůrd fůr tot geschatzt
werdenn. Wo er aber trewlich verwaret wůrd. So wůrd er
dem tot entwerden. Aber sie solts ÿe heimlich
haltenn. sust wolt er ÿr das lebenn nemen. Aber die
Eptissÿnn enbot es dem ErtzBischoff. Derhalbenn sie
darnach von dem tewfell geschlagenn wardt. daůon sie in kůrtz
starb. Aůch fiell der ErtzBischoff in verkůnte kranckhait. demnach er
sich dem Cůstorr Energer befalh. Als er aber fůr tot wart gewachssen
vnd begraben. wart er am drittenn tag vonn ainem der kirchenn
diener am dritten tag gehort. Aber nachdem man ÿm nicht wolt
glawben. můst der Bischoff also seligenn gedechtnůs sterbenn.