hielt kaÿser karll sein erstenn hoff zu Padebornn. Da aůch aůs dem Landt
zů Sachssenn von allen enden mit den fůrstenn ein gros anzall gemeins
Folcks hinkam. vnd die hailigenn tawff begert. mit zůsagůng den hailigen
glawben beÿ verlůst leÿbs vnnd lebens vnd aller gůter so sie verbrechen
zůhaltenn. Dabeÿ gar schier alle Sechsische Fůrstenn vnd herren warnn.
Aůsgenůmmen konig Wÿdekint welcher allain sich seins hochstenn
vermůgens bevlÿs sich in gar kaÿn vnterthenickait zůbegebenn.

Darnach hielten die Sachssenn ein zeit gůtenn frid. Wann kaÿser karrll
hett Folck in Důringen vnnd hessen wider sie zúder hinderhůt gelassenn.
Solch rw kůnt konÿg Widekÿnt nicht erleÿdenn. Sůndern bracht soůil