Darnach Nachdem hochbenanter Romischer konig Hainrich hertzog zů
Sachssenn des Romischen kaÿser Otto des grossenn Vater. ein grosser
Iheger vnnd weÿdman was. pflag er vil zů ligenn an ainem lůstigen
berg mit hůbschen bawmen die zeit bewachsen an der Elb zůligen.
Derhalbenn er aůff dem selbenn berg ain befestigůng mit ainem
Stetlen aůffrichtet. Vnnd gab ÿm den Namen vonn dem gedachtenn
Wesserlen Misni. Meÿssenn Wie aůch vormals ist in
des Romischenn kaÿser hainrichs leben angetzaigt wordenn.