Die Marck zů Meÿssenn hett ain zeit vil vberfals von den Behemenn
vnd wendenn Derhalben aůch die Meÿsner aůch gar
vngewissen glawbens warn Darůmb geschaenn vil streit zwischen den
Sachssenn vnd Meÿssnern vnd irn helffern. Derhalben itzt
die Sachssen itzt die Poln. itzt die Wendenn. itzt die Behem
oblagen. Vnd das weret bis zů den zeitenn. des Romischen kaÿser Cůnradts
des andern. Aber wie dem. So behielt man dennoch das Lanndt zů
Meÿssenn důrch verwaltůng der Marggraůen vnnd Graůenn.