das Lanndt zů Sachssenn verlies mit den Saracenern zůstreitenn
vnnd gewan etlich Stete. vnd verendt denselbigenn krieg glůcklichen,
Inn mitler zeit erhůb sich konig Wÿdekint mit ainem heer. Vnd zcog
mit seinen vnglawbigen Sachssenn ann Reinstram. vnd verhert
mit brant dieselbenn gegent vonn Teůtzsch bis gein Coblentz. vn
menschlichen in die lenge vnnd weÿt. nÿmants verschont wieder
weÿber nach kinderr. Solchs erfůr kaÿser karrll da er von benanter
raÿs wider vmbkert. vnd trůg gros mitleÿden mit den armen lewthen.

Darnach schicket kaÿser karrll. So bald ein Folck nemlich Swabenn.
Vnnd Franckenn. konig Widekint nach zů folgenn. Die ÿn aůch an