Nach abgang Marggraůenn Eckharts vonn Meyssenn des Jůngern ist die
Marck zů Meyssenn vonn etlichenn Bůrggraůen vnd sůnderlich vnnter
dem Romischenn kaÿser [ergänze: Heinrich] des Namen dem vierden regirt vnd verwalt
worden.

Man findt aůch in etlichen Cronicken das vil benante Marck zů Meÿssen
seÿ ainem genant Dedo gelÿhenn worden. Vnd das desselbigenn
Sůn nach seÿnes Vaters tot seÿ erslagen worden. Also seÿ darnach die
Marck zů Meÿssenn an der itzigen Fůrsten vnd hertzogenn zů Sachssen,
Lanndtgraůen in Důringen. vnd Marggraůen zů Meÿssen vorfordern
kůmmen.