Sal vnnd Elb vil gegent Innen hetten. Derhalbenn sich konig
Wÿdekint mit hertzog Lecho ein Behem. der die zeit die Behem. Sorben
Dalmater vnnd Merern. mit sambt elichen [lies: etlichen] andern Folckern. beherrscht.
vnnd zcog mit hůlff der vnglawbigen Sachssen důrch das ganntz
Landt zů Sachssenn. vnnd bezwang die Cristliche Sachssenn wider
vom glawben zůfallen. Vnnd gewan gantz Ostůaln. Vnd vertrÿb
die Cristliche Sachssenn.

Da konig Wÿdekint ganntz Ostůaln gewůnnen hett. befestigt er
sein Schlos Wÿtkinsbůrg aůff der weser da itzt die Thůmkirchen
zú Minden leÿt. gelegenn. vnd vonn seinem namen genant aůffs
sterckst. sich daraůff vor den feÿndenn zůrettenn.