Derhalbenn sie vonn konig Wÿdekint in die flůcht gebracht wůrden
Aůch wůrdenn die zwen Graůenn Adelgis vnd Gilo gar schier
mit ÿrem gantzenn heer erslagen. Aůch flog Graff Warandt darůon
vnnd aůff das er mocht konig Wÿdekint entwerden. zcog er anndere
claider an. Aber wie dem so verlor konig Wÿdekint aůch vil Folcks.
Vnnd dise schlacht ist gescheen in Sachssenn Im Sůndal. Nach Cristi
gebůrt Sybenhůndert vnd Im dreÿvnndachtzigstenn Jharr.

Darnach verordent konig Wÿdekint sein Folck in sein beste
Schlosserr aůs forcht vor den nachbarnn. Vnnd er zcog
darnach wider zů denn Sorbenn.