Erstbenanter grossen schlachthalbenn wart kaÿser karrll mit so grossem
zcorn bewegt. das er mit aller gewalt wider in Sachssenn zcog. die seinen
zůrechenn. Derhalbenn die Sachssenn grosser anzcal fůr
kaÿser karll lieffenn. Vnd neben ÿrer manchfeltigen entschúldigůng
alle schůldt aůff konig wÿdekint legten. Vnd aůff das sie der tat mochten
dester vnschůldiger erkant werden. vberantwortten sie dem kaÿser vier=
taůsent vnnd Fůnffhůndert Sachssenn die mit konig Wÿdekint
wider kaÿserr karrll Im verbůntnůs warn. Welche aůch
kaÿser karll nach antzaigůng etlicher Cronicka alle aůff ein tag
lies kopffenn.