Mann list aůch das ain mal da der Romisch kaÿser ein ser Vest Schlos
gewÿnnen wolt. Vnd Graff Thÿmo sein hawbtman, vnd alleweg der
forderst was. das der Romisch kaÿser hett gesprochenn. Warlich
disen Thÿmo ein solchenn trefflichenn menlichen vnd streitbarn
man. Wil ich aůffs schirst. So sichs schickenn wirt zů aÿnem
Fůrsten machen. kůrtz darnach kam dem Romischen kaÿser botschafft
wie das die Marck zů Meÿssen ledig wer worden. Derhalben
der Romisch kaÿser sobaldt nach Graff Thÿmo schicket. Vnnd ÿn mit
der gnanten Marck zů Meÿssenn gar gnediglich belehent.